Akiba-kei

Akiba-kei o Akiba-chan ye una espresión dialeutal del xaponés asemeyáu en conceutu a otaku pero ensin les connotaciones negatives (los aficionaos occidentales del manga y l'anime tomaron el términu otaku como neutral; en Xapón, d'otra miente, la pallabra ye estrictamente discriminatoria -asemeyada al términu "friki" pero más fuerte-). Akiba-kei refierse a xente venceyada a la subcultura otaku pero poseye un sentíu más bien elitista pa dellos otaku; pue tener un paralelu a la espresión inglesa geek chic.

Akiba-kei significa lliteralmente "Estilu Akihabara", refiriéndose a un distritu de la ciudá de Tokiu u s'asitien centros comerciales de productos electrónicos, manga, mercancía anime y otros productos diseñaos pal preste de los aficionaos otaku.

Esta espresión popularizóse gracies a la película y serie de TV "Densha-otoko", emitíes en 2005, qu'amuesa la "cultura virtual" de la sociedá xaponesa d'anguaño.